Difundimos o bando do Concello de Pereiro de Aguiar, que se atopa en situación de  pre-emerxencia en relación á subministración de auga potable, polo que se solicita á poboación un esforzo de colaboración para conseguir manter as reservas o máximo tempo posible, do mesmo xeito que os niveis de auga dos depósitos de abastecemento municipal e así evitar a obrigación de ter que realizar cortes selectivos no futuro.

Como consecuencia desta escaseza de auga, resulta imprescindible reducir o consumo. En consecuencia, segundo o bando municipal, tómanse as seguintes medidas de obrigado cumprimento:

• Só poderase facer uso de a auga de abastecemento para destinala ao consumo doméstico. Prohíbese calquera outro.
• Non se poderá: encher piscinas, elementos similares e depósitos ou regar hortas e explotacións agrícolas, lavar vehículos ou patios con auga potable.
• Reduciranse a o mínimo as regas de xardíns públicos e pecharanse as fontes públicas conectadas a o abastecemento.
• Controlaranse os consumos en edificios e instalacións municipais.
• Vixiaranse as perdas na rede de abastecemento.

O Concello fai este chamamento aos veciños e veciñas e tamén aos habitantes non empadroados que veñan gozar das súas vivendas neste período estival, para que tomen conciencia da necesidade de realizar un consumo racional, axustado e solidario de auga, polo que agradecen a súa colaboración.