Catro alumnas do colexio plurilingüe Divina Pastora de Ourense foron galardoadas no IX Certame Literario ‘Relatos de Auga Intelixente’. Este certame é organizado por Viaqua e está dirixido a escolares dos preto de 50 concellos onde a empresa xestiona o ciclo integral da auga.

A temática desta última edición centrouse na seca e o consumo responsable da auga pode axudar a mitigar esta situación. Desde Viaqua, destacan que o obxectivo deste certame  é difundir a cultura galega e fomentar a participación activa dos rapaces e rapazas no uso sostible da auga e o coidado do medio ambiente a través da literatura.

Na novena edición do Certame Literario “Relatos de Auga intelixente” a empresa aumentou o número de premios, un total de 19, e fomentando e apoiando o comercio local, entregando como premios “Vales regalo” de 150€ (1ºpremio), 75€ (2º premio) e 50€ (terceiro premio) para consumir no comercio local en produtos deportivos, de papelería/librería ou tecnolóxicos.

O director de Viaqua, Iván José Vicente agradeceu a implicación dos profesores e familiares para fomentar as vocacións literarias no alumnado, así como a colaboración do Concello de Ourense en todas as edicións do Certame Literario. O alcalde do Concello de Ourense, Gonzalo Pérez Jácome destacou a iniciativa de Viaqua por despertar conciencias medioambientales e literarias no alumnado. Así como a necesidade de valorar e coidar un recurso tan esencial e necesario como auga, no contexto de cambio climático que estamos a vivir.

O xurado, composto por Carlos Taboada, escritor e ilustrador en Polo Correo do Vento; Susana Fernández, técnica do Departamento de Explotación de Augas de Galicia;  Mª Teresa Abalde, xurídica de Viaqua e Maria del Mar Fernández Vázquez, profesora da Universidade de Vigo, seleccionou as propostas presentadas por Noa Codeso, Adriana Piñeiro, Uxía Gómez e Clara Rodríguez como gañadoras na categoría de relato creativo pola adecuación dos seus traballos ás bases do concurso, así como pola súa calidade e creatividade. Ademais, o centro onde estudan as catro estudantes ourensás, o colexio plurilingüe Divina Pastora, recibiu un lote de libros en galego sobre auga e medio ambiente tras volver ser o colexio con maior participación de toda Galicia cun total de 153 relatos enviados.

RELATOS GAÑADORES IX CERTAME LITERARIO VIAQUA

RELATO CREATIVO

• CATEGORÍA ESO

 Subcategoría 1º y 2º

2º premio: ‘Agua’ – Autora: Clara Rodríguez Fernández do Colexio Plurilingüe Divina Pastora – Franciscanas, Ourense

2º premio: ‘Auga: un misterio que todos coñecemos’ – Autora: Uxía Gómez Vázquez do Colexio Plurilingüe Divina Pastora- Franciscanas, Ourense 

Subcategoría 3º y 4º

1º premio: ‘ Eu vivín a carón dun río’ – Autora: Adriana Piñeiro Varela do Colexio Plurilingüe Divina Pastora – Franciscanas, Ourense.

3º premio: ‘Auga que nos das vida’ – Autora: Noa Codeso Pacios do Colexio Plurilingüe Divina Pastora - Franciscanas, Ourense