En relación ao vertido detectado onte no río Landro e ante a necesidade de poñer en marcha a ETAP de Landrove a través dun subministro alternativo para garantir a continuidade do servizo, co fin de preservar a seguridade e saúde dos veciños e veciñas de Viveiro, DÍTASE O PRESENTE BANDO, mediante o que se FAI SABER:

Que se restrinxe preventivamente o uso de auga do abastecemento municipal, de xeito que esta NON SE UTILIZARÁ PARA A INXESTA (bebida ou preparación de alimentos), LAVADO DE ALIMENTOS NIN HIXIENE BUCODENTAL.

A auga do abastecemento municipal PODERÁ SER UTILIZADA PARA HIXIENE PERSOAL (lavado de mans e duchas) E USOS DOMÉSTICOS DE LIMPEZA.

O Concello continúa traballando, da man da concesionaria do servizo de abastecemento (Viaqua), Consellería de Sanidade e Emerxencias á espera dos resultados das analíticas realizadas e manteremos informada á poboación.