Conta cun programa de xestión integral de especies de flora invasora, a eliminación do uso de produtos fitosanitarios en todas as súas instalacións e o seu programa de voluntariado ambiental Biobserva.

Os ecosistemas desempeñan un papel fundamental no noso planeta, proporcionando beneficios esenciais para todos os seres vivos, como auga, alimentos, ou purificación do aire, entre outros. Todos dependemos de ecosistemas saudables para a nosa supervivencia. É máis necesario que nunca que reconectemos coa natureza para frear a alarmante perda de especies de flora e fauna e para contribuír a mitigar os efectos do cambio climático. Agora é o momento de actuar.

O Día Mundial do Medio Ambiente, que se celebra o 5 de xuño, pon a énfase este ano na necesidade de preservar a nosa contorna, restaurando os ecosistemas danados e protexendo aqueles que aínda conservan a súa vitalidade e diversidade. A celebración marcará o lanzamento do Decenio das Nacións Unidas para a Restauración dos Ecosistemas (2021-2030). Precisamente, 2030 é a data límite que os científicos consideran crítica para evitar os peores impactos do cambio climático.

A pandemia puxo de relevo o papel protector da natureza. Segundo a ONU, uns ecosistemas sans axudan a protexernos das enfermidades, xa que a diversidade de especies fai máis difícil a propagación de patóxenos. España é o país con máis biodiversidade de Europa, pero o 14% das súas 85.000 especies de animais e plantas está en perigo de extinción.

Viaqua, aliada na defensa do medio ambiente

Comprometida coa preservación dos elementos esenciais do medio ambiente,  Viaqua ofrece solucións innovadoras ao redor da xestión sostible da auga, dos recursos naturais e da saúde ambiental para a agricultura, a industria e as cidades, en liña coa folla de ruta da Axenda 2030 e os Obxectivos de Desenvolvemento Sostible (ODS) das Nacións Unidas.

Viaqua toma medidas para protexer a flora e a fauna tanto nos espazos protexidos nos que opera como na contorna das súas biofactorías (depuradoras baseadas nos principios da economía circular). En concreto, a compañía realizou no último ano 3 diagnósticos e plans de acción en instalacións dentro de espazos protexidos. Entre as súas iniciativas na loita contra a perda de biodiversidade, destaca o programa de xestión integral de especies de flora invasora, en instalacións como a EDAR de Aríns en Santiago, a EDAR de Valdoviño ou a EDAR de Ourense, entre outras. A través dunha metodoloxía e ferramentas propias, o persoal das instalacións do grupo está capacitado para identificar e reportar observacións, así como executar e realizar plans de control e comunicación de especies invasoras.

_{Instalación libre de uso de produtos fitosanitarios}

Viaqua aposta tamén pola eliminación do uso de produtos fitosanitarios en todas as súas instalacións, o que conlevou un cambio no modelo de xestión das zonas verdes. Así mesmo, impulsa medidas para que os seus traballadores convértanse en verdadeiros gardiáns da natureza. O programa de voluntariado BiObserva, implantado en 7 instalacións: as plantas de depuración (EDAR) e as estacións de tratamento de auga potable ( ETAP) de Pontevedra, Ourense e Santiago de Compostela, na que colaboran 14 traballadores da compañía como voluntarios. Este programa, contempla a observación das especies de  avifauna nos centros de traballo e o seu rexistro nunha  app ou nunha plataforma web de acceso público. As preto de 26.200 observacións recollidas foron utilizadas internamente pola compañía co fin de analizar e deseñar plans de acción de biodiversidade.

_{Persoal voluntario de Viaqua avistando aves nunha instalación}

Coidar do planeta é coidar de nós mesmos. Reverter os danos causados á natureza é o maior reto interxeracional actual. É o momento de comprometerse.